У нашай установе дашкольнай адукацыі працягваецца рэалізацыя рэспубліканскай тэматычнай акцыі «Скарбонка роднага слова». На гэтым тыдні слоўнікавы запас выхаванцаў папоўніўся новымі мілагучнымі беларускімі словамі з улікам узросту дзяцей:
- Выхаванцы малодшых груп знаёміліся са словам «кашуля». У гульнявой і нагляднай форме малышы разглядалі прадметы адзення, знаходзілі прыгожую беларускую кашулю на ляльцы і на яркіх ілюстрацыях. Падчас дыдактычнай гульні «Апранем ляльку на свята» дзеці вучыліся правільна вымаўляць новае слова, звярталі ўвагу на прыгожыя ўзоры і з радасцю выкарыстоўвалі яго ў маўленні.
- Выхаванцы сярэдніх і старэйшых груп папаўнялі сваю скарбонку словам «страва». Дзеці знаёміліся з беларускай нацыянальнай кухняй, разглядалі малюнкі з выявай традыцыйных беларускіх пачастункаў (дранікаў, бабкі, кашы, клёцак). Старэйшыя дашкольнікі складалі невялікія апісальныя апавяданні пра любімыя сямейныя стравы, гулялі ў маўленчыя гульні «Збяры страву» і «Назаві смачна», развіваючы звязнае маўленне і пазнавальную цікавасць да традыцый роднага краю.
Сістэмная работа ў рамках акцыі дапамагае дзецям лёгка і з цікавасцю спасцігаць багацце роднай мовы.